دور على عضو
مره، اختى الاصغر منى بسنه قالتلى هو انهى العيد الصغير والكبير وانهى بتاع اللحمه وانهى بتاع الكحك وانهى اللى بعد رمضان وانهى اللى بعديه وانهى اللى 3 ايام وانهى اللى 4 وبعد ما فهمتها قالتلى طيب انهى اللى بناخد فيه عيديه، A7A
May 21, 2477 01:27 PM - البيت - كتبو ليالى
مره، بكلم حبيبى وبيقولى كنتى قمر النهارده ايه الحلاوه دى قلتله حلاوه رشيد الميزان راح اتصدم قلتله خلاص متزعلش قالى بس بجد ايه الحلاوه دى قلتله حلاوه شمسنا قالى هقفل قلتله خلاص معلش قالى بس كنتى سكر قلتله سكر الاسره .. بس برضه مقفلش D: الحمد لله، A7A
May 21, 2196 01:27 PM - البيت - كتبو ليالى
مره، واختى كانت صغيره وبابا بيكلم صاحبه وبيقوله انا كل ما اتصل بيك ترد عليا بنتك الصغيره تقولى مش موجود بابا قاله استنى اندهالك تسلم عليها ندهلها وقاله قدامها هى دى اللى بتقولك مش موجود على اساس ان دى حاجه بتميزها يعنى عشان احنا 3 بنات، هى افتكرته بيدبسها راحت ماسكه التليفون وقالتله وحياتك يا عمو هو اللى بيقولى قوليله مش موجود، A7A
Jan 7, 2012 11:53 PM - مواقف قديمه - كتبو ليالى
مره، كنت بحكى قدام مراة عمى وبقولها النهارده فى المدرسه ميس الرسم قالتلنا اعملوا مربع 20x20 وارسموا جواه راحت بنت سألتها قالتلها نرسم جواه بالطول ولا بالعرض، لقيت مراه عمى ضحكت اوى وبعدين قالتلى وهى المفروض بقى كانت ترسم بالطول ولا بالعرض، A7A
Dec 11, 2011 10:57 PM - مواقف قديمه - كتبو ليالى
مره، فى امتحان نص السنة الشفوى مكنتش عارفه اى حاجه,الدكتوره سألتنى مش مذاكره ليه قولتلها كنت مسافره البحرين بقالى شهر ولسة جاية امبارح قالتى ليه قولتلها كنت برقص فى احتفال بالعيد القومى هناك قالتلى اعمليلى رقصه من اللى رقصتيهم هناك وانجحك فكرتها بتهزر حلفتلى رقصت وجبت جيد وصحابى اللى زاكرولى سقطوا، A7A
Dec 11, 2011 10:01 PM - مواقف قديمه - كتبو ليالى
مره، كنت فى محاضره عملى وبعد ما طلع عينى فى التمرين راحت الدكتوره كتبانى غياب رحت لصحابى بقولهم احا دى كتبتنى غياب، وكانت الماده دى بيدوهالنا اتنين دكاتره لقيت صحابى متنحين ببص ورايا لقيت الدكتوره التانيه واقفه ورايا، A7A
Jan 7, 2012 11:56 PM - مواقف قديمه - كتبو ليالى
مره، ايام الامتحانات وانا بشترى ورق من قدام الكليه للماده اللى جايه لقيت البنت اللى شغاله فى المكتبه بتقولى خلصتى امتحانات ؟ خلصت وبجيب ورق للسنه الجايه وعليكى خير، A7A
Dec 11, 2011 10:52 PM - مواقف قديمه - كتبو ليالى
مره، و انا بدرب بنت فى النادى لقيت ولى امرها جاى يتكلم معايا ويوصينى عليها ببص لقيته مدرس الدراسات اللى كان مطلع عنينا فى 3 اعدادى قولتله انا اسفه ممنوع اتكلم معاك اثناء التدريب اتفضل بره الصاله مع اولياء الامور، A7A
Dec 11, 2011 10:12 PM - مواقف قديمه - كتبو ليالى
مره، بعد اجازه الثوره ورجوعنا دكتوره التايكوندو كانت فرحانه بنيا اوى وعماله تقولنا انتو شباب الثوره انتو مش عارف ايه ووصت دكتوره النظرى تخفف علينا المنهج والتانيه قالتلها والنبى لاريحهم .. ومن ساعتها وهى بتنفخ فينا وكل محاضره تشتمنا وتحلف ان الامتحان هيجى ميتحلش، A7A
Dec 11, 2011 10:49 PM - مواقف قديمه - كتبو ليالى
مره، ايام ثانويه عامه كنت عند مدرس الكيميا باخد درس وبيسألنى عايزه تطلعى ايه قلتله عايزه امثل قالى انا اعرف مخرجين قلتله اشطه ظبطنى عندهم لقيته تنحلى قلت احرجه بقى قلتله مالك يا مستر فيه ايه ؟ قالى بعاين البضاعه، A7A
May 21, 1802 01:27 PM - مواقف قديمه - كتبو ليالى
بالنسبه للى بيقولو احسن للبنت اللى اتعرت لانها مكانتش لابسه حاجه تحت هدومها .. هى لابسه بنطلون تحت العبايه علشان لو اترفعت وهى بتركب مواصله ولا لاى سبب رجليها متبانش لان دا وارد لكن هى مش هتفتح الودع وتعرف ان هييجى شويه كلاب يسحلوها ويفتحولها عبايتها ويعروها .. المهم انها لابسه هدوم ستراها .. انهم يعملوا كده دى مش غلطتها لان دا مش وارد انه يحصل .. مش عارفه ازاى نسيب الجانى ونمسك فى الضحيه ونقول هى اللى غلطانه .. حتى لو هى غلطانه مينفعش يتعمل فيها كده دى مهما حصل بنت و عرضها دا عرضنا كلنا .. شويه متخلفين يحبوا يخفوا دمهم و يقولو هى كانت لابسه كده عشان تبسط المتظاهرين .. انا سبت المكان وبعدت عشان مغلطش فى حد .. على الاقل دى واحده نزلت عشان تجيب حقوق المتخلفين اللى بيتكلموا عنها وعن سمعتها .. بنت بـ 100 راجل بجد المظاهرات والاعتصامات مفيهاش سفاله وقلة ادب .. البلطجيه اللى الداخليه بتأجرهم مع الجيش هما اللى بيبهدلو المتظاهرين وبيدخلوا وسطهم يعملو شغب عشان يتقال هما دول المتظاهرين .. انا نزلت مظاهرات لا كان فيها قلة ادب ولا غيره البنات ماشيين وقدامهم الولاد ومحدش بيضايق حد كله بيساعد بعضه اللى بيقف يتكلم بيتكلم بمنتهى التحضر وبيأكد ان المظاهره سلميه واننا مش هنكسر ولا هنحرق ولا هنقتحم اى اماكن .. جبتوا الكلام دا بقى منين .. وانتوا قاعدين فى بيوتكوا بتتفرجوا عالتليفزيون وتقولوا الكلام اللى بيتضحك عليكوا بيه ؟ فالحين بس يتكلموا لما الموضوع يبقى فيه مسلم ومسيحى عشان يعملوا فتنه و يولعوها .. ولما الانتخابات تقرب بعد ما كانوا اللى فى التحرير دول منحلين وسفله وكفره يبقوا حلوين وينزلوا يأيدوهم عشان يكسبوا اصوات والمتظاهرين يقولوا يااااااا اد ايه هما كويسين ونازلين يأيدونا .. على اساس اننا بريالة بقى وبنصدق الهبل دا وبعد ما تخلص الانتخابات ويطبخوها مع بعض ويتطمنوا انهم كسبوا يحصل اللى يحصل بقى هما مش خدوا اللى هما عايزينوا .. خلاص بقى يسحلوا اللى يسحلوه ان شاء الله يولعوا فيهم حتى فين اللى بيتكلموا فى الحرام والحلال ؟؟ فين اللى بيقولوا انهم هيطبقوا كتاب ربنا ؟؟ هو مش برضه لما حد يكشف عوره حد بالطريقه دى .. حرام ؟ لما حد يتعدى بالضرب على حد - وبقول حد لانها سواء ولد او بنت فهو واحد – بالشكل دا مش حرام ؟ هو مش الاسلام قال غض البصر ؟ دول مش بس شافوها عريانه وبيضحكوا وبيضربوها ومش بيغضوا ابصارهم .. دول هما اللى عروها دلوقتى كله عامل هندى ومحدش منهم اتكلم ولما ربنا قدرهم واتكلموا قالوا هى اللى غلطانه هى المفروض تلبس بدله غطس - على رأى بلال فضل - تحت هدومها عشان لما ييجى كلب يعريها تبقى هى فى التمام كده هههههههه كوميديا سوداء وربنا فالحين بس يقولو مش عارف لو لقينا واحده اجنبيه ماشيه عالبحر فى شرم بالمايوه هنقبض عليها طيب على الاقل دى تربيتها كده ودا لبسها هى حره دلوقتى لما يعروا بنت محجبه فى الشارع بقت هى اللى غلطانه ؟ والله انا خايفه يطالبوا كمان بالقبض عليها واقامه الحد عشان ملبستش حاجه تحت العباية وبعد كده يعملوا لجنه فى الشارع عشان تتمم على اللبس اللى تحت هههههههه دا حتى لو انا ضدها وشفتها فى المنظر دا هتصعب عليا وهزعل عشان دى بنت عشان انا ولا اى بنت اعرفها لو اتحطت فى الموقف دا عارفه هو اد ايه صعب ومهين المفروض نحس ببعض .. فين حقوق الانسان ؟ دا لما بنشوف حد بيضرب حيوان ولا بيعامله بعنف بنقول دا معندوش رحمه لما نشوف بنت بيتعمل فيها كده علانيه وفى عز النهار نقول احسن ؟؟؟ السكوت لوحده موقف سلبى .. توصل كمان للشماته ؟ والتعليقات السخيفه اللى لو دلت تدل على حاجه من الاتنين الجهل والتخلف وترديد كلام بيسمعوه وخلاص ..او التطبيل عموما اتكلموا براحتكوا فالكلاب تعوى والقافله تسير وكما تدين تدان .. ان شاء الله لما يحصلكوا زيها - ما دا بقى عادى والناس تقبلته فأستنوا دوركوا – هتلاقوا اللى يقول احسن
May 21, 6780 01:24 PM - الثوره - كتبو ليالى
